Православен Богословски Факултет

Конкурс за запишување на редовни и вонредни студенти во I година во академската 2026/2027 година

Aneta Jovkovska — Wed, 17 Jun 2026 08:36:47 +0000

Православниот богословски факултет

„Свети Климент Охридски“ – Скопје, објавува

К О Н К У Р С

за запишување на редовни и вонредни студенти во I година во академската 2026/2027 година

Право на упис на Православниот богословски факултет имаат кандидати од православна вероисповед, кои завршиле богословија или гимназија со положена матура. државна или меѓународна. Исто така, на Факултетот може да се конкурира и со друго четиригодишно средно образование. Сите кандидати освен богословите, полагаат и приемен испит.

Доколку на конкурсот се пријават поголем број од предвидениот број кандидати, селекцијата ќе се врши врз основа на успехот од средното образование и резултатите од приемниот испит.

Пријавувањето кандидатите за упис го прават на интернет страницата www.upisi.ukim.mk.

На конкурсот кандидатите, во оригинал или заверен препис, ги поднесуваат следниве документи:

пријава за запишување,
оригинални свидетелства за сите класови,
документ за положена матура (оригинално свидетелство за завршено средно образование),
свидетелство за свето крштение од храмот, каде што е крстен,
одобрение за студии од надлежниот епархиски архиереј,
лекарско уверение,
потврда за уплатени 1.000,оо денари на жиро-сметката на Факултетот, за студентски програми за кои се врши проверка на знаењата и умеењата по повеќе предмети,
кандидатите кои конкурираат за запишување како вонредни студенти, освен горенаведените документи, поднесуваат и потврда дека се во работен однос или дека се редовни студенти на некој друг факултет,
уверение за државјанство.

Кандидатите своите документи ги доставуваат во Службата за студентски прашања при Факултетот, на 24 и 25 август 2026 година, за првиот уписен рок, на 15 и 16 септември 2026 година за вториот уписен рок и на 29 септември 2026 година за третиот уписен рок.

Приемните испити се полагаат на 27 август за првиот уписен рок, на 18 септември 2026 година за вториот уписен рок.

Резултатите од приемниот испит ќе бидат објавени на 1 септември за првиот уписен рок и на 22 септември 2026 година за вториот уписен рок.

За оваа академска година ќе се примат 20 редовни и 20 вонредни кандидати.

При запишувањето кандидатите поднесуваат:

индекс, студентска легитимација и пријавни листови,
три фотографии (2 фотографии со димензии 3,5×4,5 и една со димензии 2×3),
потврда за уплатени 700,оо денари за студентски билтен и за библиотечен фонд, на жиро сметката 300000000352534 при КОМЕРЦИЈАЛНА БАНКА А.Д. СКОПЈЕ.
Запишување на кандидатите ќе се врши: од 02 до 10 септември 2026 за првиот уписен рок и на 23 септември 2026 за вториот уписен рок.

Конкурсот ќе биде објавен на интернет страницата на Факултетот: www.pbf.edu.mk

Д е к а н

Доцент д-р Илче Мицевски – Игнат

Соопштение за одбрана на магистерски труд

Aneta Jovkovska — Fri, 05 Jun 2026 13:50:11 +0000

Ве известуваме дека Ефимија Зајковска, студент на последипломски-магистерски студии на Православниот богословски факултет „Свети Климент Охридски“, ќе го брани магистерскиот труд под наслов: „Религиското образование во јавниот образовен систем – компаративна анализа со посебен осврт на Северна Македонија“ Пред членовите на Комисијата во состав: Проф. д-р Георгиј Ѓорѓевски, Митрополит Дебарско – кичевски, Проф. д-р Анета Јовковска, Проф. д-р Дарко Анев Одбраната на магистерскиот труд ќе се одржи на 09.06.2026 година (вторник), во просториите на Факултетот, со почеток во 12 часот. Влезот на одбраната на …

Прочитај повеќе

Професори од Православниот Богословски факултет дел од делегацијата на МПЦ-ОА во Рим

Aneta Jovkovska — Sun, 24 May 2026 08:34:36 +0000

Во периодот од 20 до 24 мај 2026 година, со благослов и во придружба на Неговото Блаженство, Архиепископот Охридски и Македонски и на Јустинијана Прва и Митрополит Скопски г.г. Стефан, како членови на црковната делегација во Рим, по повод чествувањето на празникот посветен на сесловенските просветители и учители, светите браќа Кирил и Методиј, учество зедоа професорите: проф. д-р Георгиј Ѓорѓевски, Митрополит на Дебарско-кичевската епархија; ѓакон доц. д-р Стефан Гоговски, продекан за настава при Православниот богословски факултет; и асист. м-р Александар Димитријов, архиепископски протоѓакон при Скопската епархија.
Покрај професорите од Православниот Богословски факултет, членови на делегацијата кои зедоа учество во традиционалното чествување на споменот и делото на сесловенскиот просветител свети Кирил Солунски преку поклонение на неговиот гроб во базиликата Сан Клементе во Рим беа и Неговото Високопреосвештенство г. Пимен, митрополит Европски, Неговото високопреподобие архимандрит о. Агатон, игумен на манастирот Св. Пантелејмон – с. Нерези Скопско, како и секретарот на Дебарско – кичевската епархија, протојереј – ставрофор отец Никола Христоски.
Црковно – државната делегација на 22.05.2026 г., се состана и со возглавителот на Римокатоличката црква Папата Леон 14, на чијашто средба за прв пат Архиепископот Охридски и Македонски г.г. Стефан се сретна со скоро избраниот понтиф.
Чествувањето на празникот на сесловенските просветители Св. Кирил и Методиј на овој начин, преку оддавање највисоки почести и поклонение во име на целиот македонски народ, како и служење на молебен во вечното почивалиште на нашиот учител и просветител св. Кирил во Вечниот Град, традиционално се одржува по 57 пат, започнувајќи за прв пат во 1969 година.

ѓакон доц. д-р Стефан Гоговски

Трети Кирилометодиеви научни средби: Кирилометодиевското наследство како жив духовен и научен континуитет

Aneta Jovkovska — Wed, 20 May 2026 15:46:44 +0000

На 20 мај 2026 година, на Православниот богословски факултет „Свети Климент Охридски“ во Скопје, во соработка со Институтот за национална историја, се одржаа Третите Кирилометодиеви научни средби, посветени на проучувањето на духовното, културното и просветителското наследство на светите рамноапостолни браќа Кирил и Методиј.

Средбите беа отворени со поздравни обраќања на Неговото Блаженство г.г. Стефан, Архиепископ Охридски и Македонски и на Јустинијана Прва, ректорката на Универзитетот „Св. Кирил и Методиј“ проф. д-р Биљана Ангелова, деканот на Православниот богословски факултет „Св. Климент Охридски“ – Скопје, проф. д-р Илче Мицевски Игнат и директорот на Институтот за национална историја при УКИМ, проф. д-р Митко Панов.

Во своето обраќање, Неговото Блаженство Архиепископот г.г. Стефан потсети на апостолските зборови: „Помнете ги вашите учители кои го проповедаа словото Божјо“, истакнувајќи дека ваквите научни средби се сведоштво дека Црквата и образовните институции го чуваат споменот и делото на светите браќа Кирил и Методиј. Тој нагласи дека нивниот пример и денес повикува на мисија и живо сведоштво, додавајќи дека иако денес не создаваме азбуки, повикани сме „да го испишуваме Христовото име во срцата на луѓето преку добрина, вера и милосрдие“. Архиепископот повика на духовна одговорност, жртвеност и храброст во продолжувањето на кирилометодиевската мисија во современиот свет.

Ректорката проф. д-р Биљана Ангелова истакна дека Кирилометодиевото дело претставува жив цивилизациски темел што постојано добива нова смисла во различни историски и духовни околности. Таа нагласи дека овие научни средби веќе прераснуваат во значаен академски настан во рамките на Универзитетот и пошироката научна јавност. Посебно беше истакната важноста на соработката меѓу Православниот богословски факултет и Институтот за национална историја, како простор каде што духовноста, историското паметење и научното истражување се среќаваат во заедничко сведоштво за кирилометодиевското наследство.

Деканот на Православниот богословски факултет, доцент. д-р Илче Мицевски Игнат, истакна дека научните средби имаат цел да ги обединат истражувачите од различни научни области и да отворат простор за нови согледувања за духовното и културното наследство на светите Кирил и Методиј. Тој додаде дека нивното дело останува живо и актуелно и во современиот свет, особено преку неговото влијание врз образованието, културата и духовноста. Притоа, изрази надеж дека Кирилометодиевите научни средби во иднина ќе добијат уште пошироко меѓународно значење.

Директорот на Институтот за национална историја, проф. д-р Митко Панов, нагласи дека организирањето на овие средби произлегува од историска, духовна и национална одговорност кон кирилометодиевското наследство. Тој посочи дека токму од македонските простори се ширела светлината на словенската писменост, што претставува трајна обврска за научно истражување и афирмирање на делото на светите браќа. Во своето обраќање, д-р Митко Панов истакна дека на политичките инструментализации на кирилометодиевската традиција научната јавност треба да одговори со аргументирано научно истражување и афирмација на универзалните вредности на ова наследство, и на македонскиот духовен и културен континуитет изразен преку Охридската книжевна школа, Охридската Архиепископија и живата меморија на македонскиот народ.

Во рамки на програмата беше промовиран и Зборникот на трудови од Вторите Кирилометодиеви научни средби од страна на професорот д-р Дејан Борисов.

Научниот дел од средбите опфати повеќе излагања посветени на кирилометодиевото наследство и нејзиното влијание врз духовната, книжевната и културната историја. Академик проф. д-р Ѓорѓи Поп Атанасов од МАНУ говореше на тема „Светиклиментовата Охридска книжевна школа и кирилометодиевата писмена традиција“, додека проф. д-р Валентина Миронска од Институтот за македонска литература при УКИМ се осврна на „Кирилометодиевската традиција како подвижник на македонската културно-национална преродба“.

Доцент д-р Виктор Недески од Православниот богословски факултет излагаше на тема „Ангелологијата на свети Климент Охридски во ‘Похвалното слово на Архангелите Михаил и Гавриил’“, а доцент д-р Дарко Анев ја изложи темата: „Од сотириологија до писменост – просветителството како мисионерски чин“.

Проф. д-р Лилјана Гушевска од Институтот за национална историја го претстави трудот „Статиите посветени на светите Кирил и Методиј во месечникот ‘Луч’ (1937–1938)“, додека проф. д-р Катерина Тодороска и м-р Васил Стерјовски излагаа на тема „Поп Тодор Плаушкоски (1918–2012)“.

Третите Кирилометодиеви научни средби уште еднаш ја потврдија важноста на научното и духовното проучување на кирилометодиевото наследство, како жив темел на македонската духовност, култура и идентитет.

Одржана меѓународната конференција „Средба со Бога: новозаветни духовности“ во Скопје и Охрид

Aneta Jovkovska — Tue, 19 May 2026 16:28:58 +0000

Во периодот од 10 до 16 мај 2026 година, Православниот богословски факултет „Св. Климент Охридски“ – Скопје при Универзитетот „Св. Кирил и Методиј“ беше домаќин на меѓународната научна конференција „Средба со Бога: новозаветни духовности“, организирана во соработка со Универзитетот во Регенсбург и Центарот за напредни студии „Beyond Canon“, а во рамките на годишната средба на Источноевропскиот комитет за соработка во новозаветните студии (EELC).

Конференцијата започна на 10 мај со вечерна литургија во манастирот „Св. Пантелејмон“ во Горно Нерези, со што уште од самиот почеток беше нагласена духовната димензија на собирот и поврзаноста меѓу богословската мисла, литургискиот живот и новозаветната духовност.

Свеченото отворање се одржа следниот ден со поздравни обраќања на Неговото Блаженство Архиепископот охридски и македонски г.г. Стефан, Неговото Високопреосвештенство Митрополитот дебарско-кичевски г. Георгиј, претседателот на Источноевропскиот комитет за соработка во новозаветните студии, проф. д-р Тобијас Никлас, како и деканот на Православниот богословски факултет „Св. Климент Охридски“ во Скопје, доцент д-р Илче Мицевски Игнат.

Воведното предавање го одржа проф. д-р Карл-Вилхелм Нибур од Универзитетот во Јена, Германија, кој говореше за библиската егзегеза на свети Теофилакт Охридски и нејзиното значење за современите новозаветни истражувања.

Особено значајна улога во организацијата и научната координација на конференцијата имаа доцент д-р Дарко Анев од Православниот богословски факултет „Св. Климент Охридски“ во Скопје, проф. д-р Тобијас Никлас од Универзитетот во Регенсбург, проф. д-р Христос Караколис од Националниот и Каподистриски универзитет во Атина, проф. д-р Космин Прикоп од Универзитетот во Букурешт и проф. д-р Давид Цјелонтко од Карловиот универзитет во Прага. Тие со заедничка академска и организациска посветеност придонесоа за успешно реализирање на овој научен собир.

На конференцијата учествуваа професори, истражувачи и богослови од Македонија, Германија, Грција, Романија, Чешка, Швајцарија, Норвешка, Финска, Бугарија, Србија, Украина, Полска, Белорусија, Русија и Соединетите Американски Држави. Меѓу институциите од кои пристигнаа учесниците беа Универзитетот во Регенсбург, Универзитетот во Женева, Универзитетот во Осло, Фордхам универзитетот во Њујорк, Универзитетот во Софија, Карловиот универзитет во Прага, Универзитетот во Атина, Универзитетот „Бабеш-Бојаи“ во Клуж-Напока, Универзитетот во Источна Финска, Универзитетот во Белград, Универзитетот во Франкфурт, Универзитетот во Цирих, Универзитетот „Лудвиг Максимилијан“ во Минхен и други значајни европски академски центри.

Во текот на работните сесии беа презентирани трудови посветени на старозаветните и новозаветните сведоштва за средбата со Бога, теологијата во посланијата на светиот апостол Павле и Евангелието според светиот апостол Јован, апокалиптичната литература, патристичката егзегеза, православното разбирање на обожението, како и теми од областа на иконографијата и христијанската педагогија.

Покрај академската, конференцијата содржеше и богата духовна и културна програма. Учесниците посетија повеќе значајни црковни и историски локалитети во Скопје и Охрид, меѓу кои манастирот „Св. Пантелејмон“ во Скопје, манастирите „Св. Наум Охридски“, „Св. Атанасиј“ и „Пресвета Богородица Заумска“ во Охрид, како и охридските цркви „Св. Јован Канео“, „Света Софија“, „Пресвета Богородица Перивлепта“, „Св. Климент и Пантелејмон“ на Плаошник.

За време на престојот во манастирот „Св. Наум“ во Охрид, учесниците остварија средба со Неговото Високопреподобие архимандритот Нектариј, кој срдечно ги пречека и ги запозна со духовната историја и современиот монашки живот на ова древно светилиште. Неговото гостопримство, топлината на приемот и братската атмосфера оставија силен впечаток кај присутните и придонесоа конференцијата да добие и длабока духовна димензија.

Конференцијата заврши со заедничка дискусија и завршни согледувања околу идните насоки на академската соработка.

Со своето активно учество и организација, Православниот богословски факултет „Св. Климент Охридски“ – Скопје уште еднаш се потврди како значаен простор за меѓународен богословски дијалог, академска размена и продлабочување на современите новозаветни истражувања.

695653469 1286386319876747 5566355999228361783 n

694812129 980906041302747 4291457636824693457 n

694747666 855971517574797 8932884629798617238 n

676122806 874315342353561 7523671645946139217 n

680567408 980976181320050 8353579884922242655 n

695347125 1676512443678927 872875642328124738 n

676960562 1743327440161224 5797721261278315574 n

674261030 869545398757448 5113960729973966921 n

671964774 1176016571289604 900882940314209611 n

671954339 1681970472945629 1622470909591026735 n

696318684 1418025103412736 2125477151416373165 n

696038303 1490019939491092 3651301969578132879 n

695971917 1678363983388909 7059467989651919326 n

695882395 978149705183094 5803736821225103243 n

694698675 3390430741130380 8863075643265120509 n

694638999 27408718045403058 8324147387437116944 n

690391613 950841791111452 2021318832764432153 n

690282500 2173236646844656 410601560031558988 n

690236818 847355571748736 4137948310085098670 n

681912907 2741801662842387 7409799732226688734 n

680547217 2062855994441481 6763275542126568183 n

677860016 1625450468754542 3967161362135620685 n

676115578 1269933595304143 3032111509739289885 n

675937063 2046888366251406 1922959630722206769 n

675298630 1517497056701406 7501682921060070012 n

674302652 1714272539999647 3184525240812213697 n

673441799 1936143503759625 866610445980686570 n

673302936 2365821787486788 1314688778699839390 n

671989925 1371377191489365 1522875955202393356 n

669061809 4384073061831024 5534728223473697551 n

667040523 3518689601614831 4532617276688946023 n

666987526 3097614993759030 2952924229491963796 n

666969461 1938488350172585 5227208247803100585 n

666600348 1404716158196150 2368171333588554246 n

669073393 2812748219089398 3578049832572130426 n

669094755 988609587466094 6626423600324573573 n

671846571 3313069135533153 7855118900885975049 n

671900729 978222541788315 3549423302396754463 n

673461776 1634255027860516 7512062125272262560 n

674281516 1299417815019326 5930279547669454971 n

674296319 26413990071613317 3131651389643383837 n

674919166 4516201135322753 504686991337795052 n

675978938 1501454818314252 428031726542860163 n

675978938 1760375831596756 270449015112181626 n

676035763 26806056885684050 4409024095595592412 n

676080549 1696368445042915 3401214307654502841 n

676960562 973364552060238 4740866842511594692 n

679550984 962981059679013 5634424031582478586 n

679569857 2086380965268097 5706569892119920709 n

681762595 1026369576727433 9079037898896921583 n

682478187 1348002040582156 5831023268034659371 n

682700630 2015468379104538 1853792253326169676 n

682719110 1056897406664519 3535126072097153323 n

684275775 2452538415207377 5198122497944951220 n

684291492 836044262452148 7443033720640712136 n

689519955 1712219633133293 5189560522866752071 n

689756305 956834083843139 7070302138954728583 n

689910084 2470066263473184 895089460668638400 n

691038459 2535738310216248 2589069631009152380 n

695845830 962222806423341 3250770605392249110 n

Православниот богословски факултет во Скопје ќе биде домаќин на меѓународната конференција „Средба со Бога: новозаветни духовности“

Aneta Jovkovska — Fri, 08 May 2026 20:05:32 +0000

Православниот богословски факултет „Св. Климент Охридски“ – Скопје, при Универзитетот „Св. Кирил и Методиј“ во Скопје, има чест да ја најави меѓународната научна конференција „Средба со Бога: новозаветни духовности“, која ќе се одржи од 10 до 16 мај во Скопје и Охрид. Конференцијата се организира во соработка со Универзитетот во Регенсбург (Германија) и Центарот за напредни студии „Beyond Canon“, во рамките на годишната средба на Источноевропскиот комитет за соработка во новозаветните студии (EELC).

Настанот ќе започне на 10 мај со вечерна литургија во манастирот „Св. Пантелејмон“ во Горно Нерези, а следниот ден свеченото отворање на конференцијата ќе биде со поздравни обраќања на Неговото Блаженство Архиепископот охридски и македонски г.г. Стефан, Митрополитот дебарско-кичевски г. Георгиј, претседателот на Источноевропскиот комитет за соработка во новозаветни студии, проф. д-р Тобијас Никлас и деканот на Православниот богословски факултет „Св. Климент Охридски“ – Скопје, проф. д-р Илче Мицевски Игнат.

Воведното предавање ќе го одржи проф. д-р Карл-Вилхелм Нибур од Универзитетот во Јена, на тема „Библиската егзегеза на Теофилакт Охридски“.

Учесниците на конференцијата со насловите на нивните излагања се прикажани подолу:

– Митрополит дебарско-кичевски г. Георгиј: „Кој ќе му каже на мојот Господ? Тој, Господ, слуша“ – Давидовиот избор во Псалм 151 од Септуагинтата
– Проф. д-р Илзе Милнер: „Царевите во средба со Бога: перспективи на старозаветната политичка теологија“
– Проф. д-р Ивајло Најденов: „Меѓу Кармил и Хорив: средбата на пророкот Илија со Бога“
– Проф. д-р Аристотел Папаниколау: „Што е обожението? Поглед од Истокот“
– Проф. д-р Андреас Детвајлер: „Верата како патување, а не како нешто однапред дадено – согледби од Посланијата до Колосјаните и Ефесјаните“
– Проф. д-р Тобијас Никлас: „Криза и каирос: перспективи на апокалипсите како литература на криза“
– Проф. д-р Космин Прикоп: „Средба со Бога во пресудни мигови: Бог како наративен елемент во Евангелието според Марко“
– Проф. д-р Маријана Картцов: „Средби и пресечни точки во Галатјаните 3–4“
– Д-р Фива Савковиќ: „Светлината што преобразува: живеење на познанието за Бога во 2 Коринтјаните“
– Проф. д-р Јан Росковец: „Никој никогаш не Го видел Бога: Јовановата христологија како водич кон средбата со Бога“
– Проф. д-р Дарко Анев: „Од егзистенцијално прашање кон сетилно искуство: егзегетска анализа на „Што барате?“ и „Дојдете и видете“ (Јован 1,38-39)“
– Александар Анисимов: „Средба со Бога преку препознавање и молитва во Јовановата традиција“
– Проф. д-р Дејан Борисов: „Константин и Божественото“
– Проф. д-р Корина Замфир и проф. д-р Дарија Сироид: „Различни духовности за мажи и жени? Пастирските посланија и Делата на Павле и Текла“
– Д-р Фјодар Литвинау: „Меѓу природниот и натприродниот оган: читање на избрани текстови од Словенската Апокалипса на Авраам“
– Проф. д-р Лаури Турен: „Средба со Бога во параболите“
– Проф. д-р Михаел Зомер: „Свет авторитет: Бог во Откровението – од империјата до поп-културата“
– Проф. д-р Карол Кулпа: „Апокалиптичната духовност на читателот преку врската меѓу седумте блаженства и седумте посланија во Јовановото Откровение“
– Одговор на излагањата: проф. д-р Маргарета Грубер
– Проф. д-р Анета Јовковска: „Детето во светлината на Новиот Завет: кон православната педагогија на љубовта, достоинството и духовната слобода“
– Проф. д-р Илче Мицевски Игнат: „Мистиката на црковното пеење во остварувањето на заедницата со Бога“
– Проф. д-р Виктор Недески: „Сликање на несоздадената светлина: исихазмот и охридската иконографија“
– Проф. д-р Стефан Гоговски: „Библиската симболика на квасниот леб во средновековната православна иконографија во Македонија“
– Проф. д-р Маркус Винцент: „Мајка ти и браќата твои стојат надвор“ – Мајстер Екхарт за обожението
– Д-р Ансгар Вухерпфениг: „Желбата како простор за средба со Бога: контекстуализирање на Римјаните 7“
– Проф. д-р Давид Цјелонтко: „Преобразувачка средба со Бога во 1 Енох 70–71“
– Д-р Јудит Кениг: „Средба со Бога – Царот: Царството Божјо во Евангелието според Марко како конкретна реалност“

Во рамките на конференцијата ќе се одржат и работни семинари, академски дискусии и посети на повеќе духовни и културно-историски локалитети во Скопје и Охрид.

Учество на професори од Православниот богословски факултет „Св. Климент Охридски“ – Скопје на меѓународниот симпозиум ISSTA 2026 во Алба Јулија, Романија

Aneta Jovkovska — Wed, 06 May 2026 18:44:33 +0000

Професори од Православниот богословски факултет „Св. Климент Охридски“ – Скопје зедоа активно учество на Меѓународниот симпозиум за наука, теологија и уметност (ISSTA 2026), кој се одржа од 3 до 5 мај 2026 година на Православниот богословски факултет при Универзитетот „1 Декември 1918“ во Алба Јулија, Романија.

Темата на годинашниот симпозиум беше: „Родителството, родот и христијанскиот идентитет во светот кој се менува“, при што учество зедоа бројни еминентни теолози и научници од повеќе земји.

Во рамките на пленарната сесија, продеканот доц. д-р Стефан Гоговски го презентираше трудот на тема: „Сексуалната револуција и онтолошкото прашање на родот: компаративна анализа на источноправославната и римокатоличката перспектива“.

Во рамките на тематските панели, вон. проф. д-р Анета Јовковска го изложи својот труд: „Родителството како еклисијална формација: православно-антрополошки пристап кон идентитетот на адолесцентите“.

Продеканот доц. д-р Виктор Недески учествуваше како модератор на сесија и го презентираше трудот: „Родовите идентитети и идеалот на андрогинија во гностицизмот“.

Учеството на професорите од Православниот богословски факултет во Скопје претставува значаен придонес во богословскиот дијалог за прашањата на родот, семејството и христијанскиот идентитет во современиот свет. Воедно, тоа ја потврдува активната вклученост на Факултетот во меѓународната академска заедница и неговата посветеност кон развојот на современата православна теолошка мисла.

Симпозиумот овозможи плодна научна размена, продлабочување на академската соработка и отворање на нови перспективи за идни истражувања во областа на теологијата и сродните дисциплини.

2026 05 05 16 32 48 242

2026 05 05 16 32 48 061

2026 05 05 16 32 48 434

689668883 10242790552325020 1161977800842433903 n

2026 05 04 18 07 55 922

2026 05 06 20 29 00 163

687039926 1634581338298125 4415343464565659223 n

686871549 1634580631631529 5730764381312854059 n

686322672 1634580624964863 7788457806212830306 n

2026 05 06 20 27 38 309

2026 05 05 16 32 48 010

2026 05 05 16 32 47 429

689500042 1634581394964786 1158423305923198556 n

688565832 1634581324964793 7801978345731051178 n

687529502 1634581411631451 4037621780984391577 n

2026 05 05 16 32 48 203

2026 05 05 16 32 48 110

2026 05 06 20 28 20 859

Одржан меѓурелигиски час за студентите на Православниот богословски факултет и Факултетот за исламски науки

Aneta Jovkovska — Sat, 25 Apr 2026 20:32:48 +0000

На 23 април 2026 година се одржа меѓурелигиски час за студентите од Православен богословски факултет „Св. Климент Охридски“ и Факултетот за исламски науки, во организација на Фондација Конрад Аденауер. Настанот беше посветен на темата „Улогата на теологот во 21-от век: предизвици и компетенции“, со цел поттикнување на академски дијалог, меѓусебно запознавање и продлабочување на меѓурелигиското разбирање.

Во рамки на програмата беше реализирана студиска посета на храмот „Рождество на Пресвета Богородица“, каде присутните ги поздрави протојереј м-р Трајче Петковски, старешина на храмот. Потоа предавање одржа проф. д-р Анета Јовковска од Православниот богословски факултет, по што следуваше сесија со прашања и одговори.

Учесниците ја посетија и џамијата „Султан Мурат“, каде на истата тема говореше проф. д-р Мухамед Мустафи од Факултетот за исламски науки.

Настанот, со свое присуство, го збогати и професорот Дарко Анев од Православниот богословски факултет.

Средбата заврши со заеднички ручек и неформална дискусија, во духот на почит, соработка и градење мостови меѓу идните теолози.

2026 04 24 10 31 51 020

2026 04 24 10 31 51 042

2026 04 24 10 31 51 098

2026 04 24 10 31 51 108

Студиска посета на манастирите во Скопска Црна Гора

Aneta Jovkovska — Tue, 31 Mar 2026 20:00:30 +0000

Со благослов на Неговото Блаженство, Митрополит Скопски, Архиепископот Охридски и Македонски и на Прва Јустинијана, г.г. Стефан, на ден 31.03.2026 година, студентите на додипломски студии при Православниот Богословски факултет „Св. Климент Охридски” – Скопје, заедно со професорите: проф. д-р. Дејан Борисов, доц. д-р Стефан Гоговски, доц. д-р. Дарко Анев и асс. м-р Александар Димитријов ги посетија следниве манастири и црковни храмови при Скопската епархија, на територија на Скопска Црна Гора:

– Свети Никита(XIVв.), с. Горњани,
– црквата Свети Ѓорѓи (XVIв.), с. Бањани,
– Горни Свети Илија(XIV в.), с. Водњани,
– Свети архангел Михаил(XIV в.), с. Кучевиште,
– Воведение на Пресвета Богородица (Св. Спас) (XIVв.), с. Кучевиште,
– Рождество на Пресвета Богородица(XIVв.), с. Побожје,
– манастирот Св. Никола (XIX в.)
– и новоизградениот храм посветен на Св. Јован во с. Љубанци.

При посетата на овие значајни македонски православни храмови беа одржани пригодни предавања, преку кои студентите имаа можност да се запознаат со нивната историја, стиловите на градбата на секој храм поединечно, со фрескоживописот, како и со актуелната состојба во која се наоѓаат. Практичната настава беше спроведена во рамките на програмите по предметите Црковна архитектура со христијанска уметност и Христијанска историја, предавања и дружба кои беа на голема радост како на студентите, така и на монахињите од манастирите Св. Архангел Михаил – Кучевиште и Св. Никола – Љубанци, но и на домаќините – грижители, на кои најсрдечно се заблагодаруваме за нивното топло гостопримство.

Доц. д-р. Стефан Гоговски, ѓакон
продекан за настава

Посета на проф. д-р Дитмар Шон на Православниот богословски факултет во Скопје

Aneta Jovkovska — Sun, 22 Mar 2026 11:12:03 +0000

На 17 март 2026 година, Православниот богословски факултет „Свети Климент Охридски“ во Скопје имаше особена чест да го пречека својот долгогодишен соработник, проф. д-р Дитмар Шон, директор на Институтот за Источни цркви при бискупијата во Регенсбург.

Оваа посета претставува продолжение на една подолгогодишна и плодна соработка, која се темели врз заемна доверба, почит и заедничка заложба за развој на богословската наука и академската дејност. Присуството на проф. д-р Шон уште еднаш ја потврди неговата постојана поддршка кон Факултетот и неговата мисија.

Во знак на благодарност за неговиот значаен придонес, Деканот на Факултетот, проф. д-р отец Илче Мицевски Игнат, му додели Благодарница, истакнувајќи ја важноста на неговиот ангажман во изминатиот период. Воедно, како симболичен израз на почит, на гостинот му беше врачeн врамен релјефен украс „Охридски крст“, автентична реплика од 19 век.

По свечениот дел, посетата продолжи со работен состанок во просториите на Деканатот, на кој покрај Деканот и проф. д-р Шон, учествуваа и професорите д-р Дејан Борисов, д-р Стефан Гоговски и д-р Дарко Анев. Средбата се одвиваше во конструктивна и работна атмосфера, при што беа разменети мислења и идеи за понатамошната соработка.

Во текот на разговорите, особено внимание беше посветено на можностите за развој на нови научно-истражувачки проекти, како и на начините за институционално унапредување на Факултетот преку заеднички иницијативи и поддршка. Исто така, беше нагласено значењето на продлабочувањето на меѓународната академска соработка и негувањето на меѓукултурниот дијалог во контекст на современите теолошки предизвици.

Посетата на проф. д-р Дитмар Шон претставува значаен чекор во понатамошното зацврстување на воспоставеното партнерство и отвора нови можности за развој и унапредување на дејноста на Православниот богословски факултет „Свети Климент Охридски“ во Скопје.

viber image 2026 03 22 12 02 45 911

viber image 2026 03 22 12 02 46 032

viber image 2026 03 22 12 02 45 955

viber image 2026 03 22 12 02 46 014