Гостите ги пречекаа деканот на Факултетот, доц. д-р Илче Мицевски-Игнат, и продеканот вон. проф. д-р Виктор Недески. Романската делегација ја предводеше деканот на Православниот богословски факултет во Алба Јулија, вон. проф. д-р Резван Брудиу, заедно со вонр. проф. д-р Оливиу Ботои, предавач д-р Теодора Рошка и асистентот д-р Андреј Мушат.

Средбата помина во срдечна академска атмосфера и беше можност за меѓусебно запознавање со работата на двата факултета, но и за разговор за конкретни можности за идна соработка. Особено беше разгледана можноста за воспоставување партнерство во рамките на програмата Erasmus+, со што би се отворил простор за мобилност на студенти и наставници, како и за заемно учество на научни конференции и други академски активности.

Во знак на пријателство и почит, деканот Резван Брудиу на нашиот Факултет му подари уметничка слика со грбот на владетелското семејство Бранковеану, како и избор од поновите научни изданија на Факултетот во Алба Јулија. На гостите, пак, им беа подарени изданија од научните симпозиуми и конференции организирани од Православниот богословски факултет во Скопје.

По посетата на Факултетот, гостите продолжија со својата студиска програма, посетувајќи го манастирот „Св. Пантелејмон“ во Нерези, а потоа и повеќе значајни храмови и духовно-културни споменици во Охрид.

Православниот богословски факултет „Св. Климент Охридски“ во Скопје изразува благодарност за посетата и очекување дека воспоставените контакти ќе прераснат во конкретни форми на академска соработка, размена на студенти и наставници и заеднички научни и образовни активности.

Со Светата Литургија и молебенот чиноначалствуваше Неговото Високопреосвештенство митрополитот Преспанско-пелагониски г. Петар, во сослужение со свештенослужители – професори од Православниот богословски факултет „Св. Климент Охридски“ во Скопје кои се во свештенички чин.

На богослужбите присуствуваа ректорката на Универзитетот „Св. Кирил и Методиј“ проф. д-р Биљана Ангелова, проректорите на Универзитетот, професорите, наставниот и административниот кадар и студентите на Православниот богословски факултет.

По завршувањето на молебенот, со пригодно обраќање до присутните се обрати Неговото Високопреосвештенство митрополитот г. Петар. Осврнувајќи се на празникот на светите маченички Вера, Надеж, Љубов и нивната мајка Софија, тој посочи дека примерот на светите треба постојано да биде пред очите на оние што се посветуваат на богословското образование и животот во Црквата.

Обраќајќи им се на професорите и студентите, Високопреосвештениот митрополит истакна дека нивната академска и духовна работа треба да биде проследена со истрајност и молитва, упатувајќи ги постојано да се молат Бог да ги благослови со мудрост и разум, за да можат своите знаења, способности и дарови да ги употребуваат на добро, во служба на Црквата и на своите ближни.

Почетокот на академската година, во молитвениот простор на манастирот „Св. Јован Крстител“, ја истакна неразделната поврзаност меѓу богословското образование, духовното воспитание и животот во Црквата, како темели врз кои студентите и професорите го продолжуваат своето посветено дело во новата академска година.

825308475 1628509402186687 4342690843263966211 n (1)

825256941 1108211155040195 6496291087444324905 n (1)

829054217 1468489811816515 8682353154890123484 n

825257145 1591557219110092 1729170186612568349 n (1)

825308435 4354091888176481 1421491248894257808 n

Документите за упис се доставуваат на 28.09.2026 година (понеделник), а приемниот испит ќе се полага на 29.09.2026 година, во 09 часот во просториите на Православниот богословски факултет „Свети Климент Охридски“-Скопје“

Света Архиерејска Божествена Литургија, а потоа Молебен за почеток на новата студиска година и призив на Светиот Дух

Присуството е задолжително за генерацијата новозапишани студенти 2026/2027, за студентите од сите студиски години, како и за професорите и асистентите.

Со редовна настава ќе се започне на 01.10.2025 година.

Декан

Доцент д-р Илче Мицевски – Игнат

2026 ПРИЗИВ

Конечна листа втор уписен рок

Конечна листа втор уписен рок page 0001

Конференцијата се одржа во просториите на Филозофскиот факултет на Универзитетот „Етвеш Лоранд“ (ELTE), а на неа учествуваа истражувачи од тринаесет европски земји, кои од повеќе научни перспективи ја разгледуваа молитвата како општествена, културна, литургиска и материјална практика.

Во рамките на петтата сесија, насловена „Praying with devotional objects and images“, проф. д-р Недески го презентираше трудот со наслов „Eucharistic Scenes in the Wall Paintings of Saint Sophia in Ohrid as a Visualization of Byzantine Liturgical Identity in the 11th Century“ (Евхаристиските сцени во ѕидното сликарство на „Света Софија“ во Охрид како визуелизација на византискиот литургиски идентитет во XI век).

Во трудот беше разгледана евхаристиската иконографија во фрескоживописот на црквата „Света Софија“ во Охрид од XI век, со посебен акцент на начинот на кој литургиските сцени визуелно ги изразуваат богословските и литургиските особености на византиската традиција. Преку анализата на фреските и нивниот историски и литургиски контекст, истражувањето ја разгледува црковната уметност како значаен простор за визуелно изразување и пренесување на литургискиот идентитет. Посебно внимание во излагањето беше посветено на историскиот контекст на Охридската архиепископија во XI век и на пошироките богословски и црковно-политички односи меѓу Истокот и Западот во периодот на архиепископот Лав Охридски.

Во рамките на настанот беше организирана и посета на Националната библиотека на Унгарија, со можност за непосредно запознавање со одбрани средновековни ракописи.

Учеството на проф. д-р Виктор Недески на оваа меѓународна конференција претставуваше можност за претставување на научните истражувања поврзани со средновековното црковно наследство на Охрид пред меѓународната научна јавност, како и за воспоставување и продлабочување на академските контакти во рамките на COST акцијата PRAYTICIPATE.

Православниот богословски факултет „Свети Климент Охридски“ – Скопје продолжува со активно учество во меѓународни научни мрежи и иницијативи, придонесувајќи кон развојот на меѓународната научна соработка и афирмацијата на истражувањата поврзани со православното богословие, црковната историја, литургиката и средновековното христијанско наследство.

IMG E0742

IMG 08581

IMG 08572

IMG 0850

IMG 0777

IMG 0747

IMG 0730

IMG 0724

IMG 0689

ПОТРЕБНИ ДОКУМЕНТИ ЗА ЗАПИШУВАЊЕ НА ПРВ ЦИКЛУС СТУДИИ НА ПРАВОСЛАВНИОТ БОГОСЛОВСКИ ФАКУЛТЕТ „СВЕТИ КЛИМЕНТ ОХРИДСКИ“-СКОПЈЕ ЗА СТУДИСКАТА 2026-2027 ГОДИНА

ЗАПИШУВАЊЕТО НА НОВИТЕ СТУДЕНТИ ЌЕ БИДЕ ОД 7.9.2026 ДО 10.9.2026 ГОДИНА ОД 8.30 ДО 13 ЧАСОТ ВО ОДДЕЛЕНИЕТО ЗА СТУДЕНТСКИ ПРАШАЊА СО СЛЕДНИТЕ ДОКУМЕНТИ:

1. Индекс (без залепена фолија) и студентска легитимација (индексот и студентската легитимација ги има во книжарниците на факултетите на УКИМ)
2. Пријавен лист (образец) за запишување на семестар (образецот можете да го најдете на сајтот на ПБФ во делот База на документи или да го симнете од следниот линк Образец за запишување на семестар)
3. Образец за запишување на студенти на прв циклус студии (вои 20)

За пополнување на образецот потребно е да се најавите на линкот: https://uslugi.gov.mk/apply-for-service.nspx?apsUniqueName=DZS-5793 или со скенирање на QR-кодот:

                    Секој студент потребно е да има активен кориснички профил на ниско ниво за да го пополни образецот и притоа од системот ќе добие два официјално потврдени документи со електронски печат на Државниот завод за статистика: 1. Генериран образец и 2. Потврда за успешно доставен образец. Студентите се должни овие документи да ги достават до факултетот при запишувањето. При пополнувањето во полето број на Индекс, внесете БРУЦОШ. Без овој формулар не можете да запишете семестар.

4. Три фотографии (две од 3,5х4,5 см и една од 2х3 см);
5. Потврда за:

• Уплатени 700,оо денари – за студентски билтен и за библиотечен фонд, Православен богословски факултет, на жиро сметка 300000000352534, при КОМЕРЦИЈАЛНА БАНКА А.Д. СКОПЈЕ. Надоместокот на оваа точка го поднесуваат сите примени кандидати, во сите категории студенти (вклучително и студентите ослободени од партиципација и кофинансирање, по разни основи). Овој надоместок студентите го поднесуваат секоја учебна година, при запишување на зимскиот семестар.
• Уплатена прва рата од 6150,оо ден. (прва рата за зимски семестар за студенти од државна квота) или 12.300,оо ден. (прва рата за зимски семестар за студенти со кофинансирање/вонреден, националност, факултетско образование) на жиро-сметка на Православен богословски факултет: Банка на примачот: КОМЕРЦИЈАЛНА БАНКА А.Д. СКОПЈЕ, Сметка: 300000000352534.

                    01.9.2026                                                                                                                                                                                    ПРАВОСЛАВЕН БОГОСЛОВСКИ ФАКУЛТЕТ

                                                                                                „СВЕТИ КЛИМЕНТ ОХРИДСКИ“-СКОПЈЕ

Ве известуваме дека е објавена Конечната ранг-листа од првиот уписен рок (27.08.2026) за запишување на нови студенти во академската 2026/2027 година на Православниот богословски факултет „Свети Климент Охридски“ – Скопје.

Резултатите и статусот на сите пријавени кандидати можете да ги погледнете во документот во прилог.

К О Н К У Р С

за запишување студенти на втор циклус студии на студиските програми на

Православниот богословски факултет „Свети Климент Охридски“- Скопје,

 во академската 2026/2027 година

Скопје, мај 2026

I. Број на студенти

Во согласност со Конкурсот за запишување студенти на втор циклус студии на студиските програми на факултетите и институтите на Универзитетот „Св. Кирил и Методиј“ во Скопје, Православниот богословски факултет „Св. Климент Охридски“ – Скопје, за запишување студенти во студиската 2026/2027 година, се предвидува запишување на следниов број кандидати:

II. Право на конкурирање

Право на конкурирање имаат кандидати што ги исполнуваат следниве општи услови:

– да завршиле прв циклус студии на соодветни или сродни студии и кои исполнуваат други услови предвидени со студиските програми за организирање втор циклус студии на соодветниот факултет, односно научен институт.

III.  Документи за пријавување

Пријавувањето се врши на соодветниот факултет односно научен институт.

Со пријавата кандидатите поднесуваат:

-пријавен лист за запишување;

– благослов од Светиот архиерејски синод;

– диплома за завршен прв циклус студии;

– куса биографија (CV);

– потврда за активно познавање странски јазик;

– препораки од наставни или научни работници (доколку има такви);

-список на стручни или научни трудови и примерок од нив (доколку кандидатите имаат);

– документи за евентуални награди, признанија и други документи.

IV. Рокови за пријавување и запишување

ЗАБЕЛЕШКА:

– Во вкупниот износ е вклучена и одбраната на магистерскиот/стручниот труд.