Врз основа на член 110 од Законот за високото образование и Статутот на Универзитетот „Свети Кирил и Методиј“ – Скопје, Македонската православна црква – Охридска архиепископија, Православниот богословски факултет „Свети Климент Охридски“ – Скопје, согласно Одлуката донесена на 5.седница на Наставно-научниот совет, одржана на 04.06.2025 година, Деканатот објавува:
К О Н К У Р С
за запишување студенти на додипломски студии на студиските програми на
Православниот богословски факултет „Свети Климент Охридски”- Скопје во академската 2025/2026 година
Скопје, јуни 2025
Број на студенти и износ на кофинансирање
| Студиска програма | редовни | Износ на партиципација (ЕУР) | Вонредни | Износ на партиципација (ЕУР) | Вкупен број на студенти | |
| Општа теологија | 20 | 200 | 20 | 400 | 100 | |
| Вкупно: | 20 | 20 | 100 |
- Услови и критериуми за запишување
- 1. Право на запишување на додипломски студии имаат кандидати од православна вероисповед кои имаат завршено:
– средно богословско училиште;
– гимназија со положена државна, меѓународна или училишна матура.
- На Факултетот може да конкурираат и кандидати кои завршиле друго четиригодишно средно образование.
- Кандидатите се запишуваат како редовни или вонредни студенти со кофинансирање на студиите.
- На додипломски студии на ПБФ можат да се запишат и кандидати што имаат завршено високо или вишо образование на сродни факултети и виши школи. Овие кандидати се запишуваат надвор од квотата, најмногу до 10% од вкупниот број редовни студенти утврден во Конкурсот.
Кандидатите од претходниот став се запишуваат според успехот од претходното образование и резултатите од положениот приемен испит. Сродноста ја утврдува и објавува Конкурсната комисија. Кандидатите од оваа точка се запишуваат со кофинансирање на студиите.
- Начинот на селекција на кандидатите ќе се врши врз основа на успехот од средното образование и со проверка на знаењата и умеењата на кандидатите на приемниот испит. Вреднувањето на успехот на кандидатите се изразува во поени. Кандидатите може да освојат најмногу 100 поени, и тоа: општиот успех по сите предмети учествува со 60% и од успехот постигнат на приемниот испит со 40%.
Кандидатите се рангираат со собирање на бодовите добиени по двата основа.
а.1. Пресметка на бодовите од успехот од средното образование:
- Пресметување на бодовите од успехот од средно образование се врши на следниот начин: се собираат сите оценки што се внесени во свидетелствата од сите години и од матурскиот испит, добиениот збир се дели со бројот на оценките и вака добиениот среден успех се множи со 12. По оваа основа може да се добијат најмногу 60 поени.
а. 2. Пресметка на бодовите од проверката на талентот на кандидатите
- Вреднувањето на успехот од проверката на знаењата и умеењата на кандидатите на приемниот испит се врши со бодување од 0 до 40 поени. Проверката има елиминаторен карактер. Не се рангираат кандидатите што не добиле најмалку 10 поени.
Ш. Селекција на кандидатите
- За следење и реализација на Конкурсот, Деканатот формира Факултетска конкурсна комисија.
- Пресметувањето на бодовите од постигнатиот успех од средното образование и успехот постигнат на приемниот испит го врши конкурсната комисија за проверка на знаења и умеeња.
Факултетската конкурсна комисија ја следи реализацијата и се грижи за доследно почитување на одредбите во Конкурсот, дава упатства и мислења во текот на неговото спроведување.
- Рангирањето на кандидатите го врши Факултетската конкурсна комисија.
- Факултетската конкурсната комисија, на огласната табла на факултетот, ги објавува поените од средното образование (среден успех), и резултатите од проверката на знаења и умеењата на приемниот испит.
По објавувањето на прелиминарната ранг-листа на кандидатите за запишување од страна на Факултетската конкурсната комисија, кандидатот има право на приговор во рок од 24 часа. Во спротивно, го губи правото на приговор во натамошната постапка во поглед на објавените резултати. Приговорот се однесува само на технички пропусти – грешки направени при пресметувањето на бодовите, и се упатува до Факултетската конкурсна комисија.
Решението на Факултетската конкурсна комисија по приговорот е конечно. Одлуките по приговорите се објавуваат на огласната табла на Факултетот.
По истекот на роковите за поднесување приговори и за нивно решавање, Факултетската конкурсна комисија на огласната табла објавува решение за прием на студенти (конечна ранг-листа), врз основа на што се врши запишувањето на студентите.
- Ако после завршувањето на првиот уписен рок останат непополнети места, тогаш запишувањето се врши во втор уписен рок.
- Доколку во првиот уписен рок при рангирањето на крајот на листата на примените кандвдати има повеќе кандидати со еднаков број поени (најмногу пет кандидати), Факултетот ги запишува сите вакви кандидати. Ако, пак, бројот на ваквите кандидати е поголем од 5, тогаш Факултетската конкурсна комисија овие кандидати ги рангира според дополнителни критериуми: освоени награди на републички и меѓународни натпревари, добиени сертификати за познавање на странски јазици на повисоко ниво и сл.
- Студентите во редовната квота се запишуваат со плаќање надоместок за кофинансирање на студиите, во износ од 100 евра за еден семестар односно 200 евра за една академска година, во денарска противвредност, според средниот курс на Народна банка на РМ. Плаќањето на надоместокот се врши во две еднакви рати.
Надоместокот од став 1 на оваа точка студентите го поднесуваат во текот на целокупното студирање.
- Запишување вонредни студенти
- Како вонредни студенти може да се запишуваат кандидати кои ги исполнуваат условите за запишување и имаат договор за вработување, или се редовни студенти на некој друг факултет, како и кандидати кои од оправдани причини не се во можност да се запишат како редовни студенти.
За оправдани причини од претходниот став се сметаат: инвалид кој не е во состојба да ја посетува наставата; потешка долготрајна болест, која оневозможува редовно следење на наставата подолго од еден семестар; родител на дете додека трае породилното отсуство; искушеник или монах.
- Вонредните студенти се запишуваат според исти услови и критериуми како и редовните студенти, а се рангираат на посебна ранг-листа.
- Вонредните студенти се запишуваат со плаќање надоместок за кофинансирање на студиите, во износ од 200 евра за еден семестар односно 400 евра за една академска година, во денарска противвредност, според средниот курс на Народна банка на РМ. Плаќањето на надоместокот се врши во две еднакви рати.
- При пријавувањето за запишување како вонредни студенти, кандидатите доставуваат договор за вработување, или лекарско уверение за причините наведени во точка 1 став 2.
- Студентите со кофинансирање на студиите при запишувањето склучуваат договор со Факултетот за меѓусебните права и обврски во остварувањето на наставно-образовниот процес.
- Кандидати со завршено средно образование во странство
а) Странски државјани
- Право на запишување на додипломски студии имаат и странски државјани кои имаат завршено четиригодишно средно образование во странство од православна вероисповест, но со посебно одобрение на Архиепископот Охридски и Македонски.
Странските државјани се запишуваат надвор од квотата утврдена во Конкурсот.
- Кандидати од други цркви можат да бидат примени со одобрение од Светиот архиерејски синод на Македонската православна црква.
- Селекцијата на странските државјани кои се пријавуваат за студирање се врши со проверка на нивното знаеше и умеење.
- При пријавувањето, кандидатите наведуваат дали се стипендисти на својата влада, црква или самостојно ги поднесуваат трошоците за студирање. Со пријавата кандидатите поднесуваат нострифицирано свидетелство за завршено средно образование, како и свидетелства за сите класови, заверен превод на изводот од матичната книга на родените, на крстените, потврда за знаење на македонски јазик и уверение за здравствената состојба.
б) Иселеници и државјани на РМ со завршено целокупно средно образование и со дел од средното образование во странство
- Кандидатите чии родители се наши иселеници и кандидатите се државјани на РМ, кои целокупното средно образование го завршиле во странство се запишуваат надвор од квотата, со кофинансирање на студиите.
- Селекцијата на кандидатите од точка 1 се врши со проверка на нивното знаење и умеење.
- Надоместокот за студирање на оваа категорија студенти изнесува исто како и за сите студенти.
Кандидатите од точка 1, со пријавата, поднесуваат нострифицирано свидетелство за завршено средно образование, како и нострифицирани свидетелства за сите класови од средното образование завршени во странство.
- Кандидатите државјани на РМ кои дел од средното образование го завршиле во странство и кандидатите со завршена меѓународна матура се запишуваат под исти услови и критериуми како и кандидатите со завршено средно образование во Република Македонија, со тоа што, покрај другите документи, поднесуваат и нострифицирани свидетелства за делот од средното образование завршено во странство, односно за завршена матура.
- Рокови за пријавување, полагање на приемен испит и запишување
| РЕАЛИЗАЦИЈА НА КОНКУРСОТ ЗА ЗАПИШУВАЊЕ СТУДЕНТИ ВО АКАДЕМСКАТА 2025/26 ГОДИНА | I УПИСЕН РОК | II УПИСЕН РОК | III УПИСЕН РОК |
|
со проверка на знаења и умеења |
|
||
| Пријавување на кандидатите | 20 и 21.08. 2025 | 12 и 15.09.2025 | 24.09.2025 |
| Полагање на приемен испит | 25.08.2025 | 15.09.2025 | |
| Објавување решение за прием на кандидатите | 29.08.2025 | 18.09.2025 | |
| Запишување на кандидатите | 4 и 5.09.2025 | 23.09.2025 | |
VII. Документи за пријавување и запишување
При пријавувањето за запишување кандидатите ги поднесуваат следниве документи:
- пријава за запишување,
- оригинални свидетелства од сите класови,
- свидетелство за завршено средно образование,
- свидетелство за свето крштение од црквата, каде што е крстен кандидатот,
- одобрение за студии од надлежниот епархиски архиереј,
- лекарско уверение,
- кандидатите кои конкурираат за запишување како вонредни студенти поднесуваат и документ со кој се потврдува дека се во работен однос или дека се редовни студенти на некој друг факултет,
- потврда за уплатени: 1000 денари, назив на примачот: Православен богословски факултет, на жиро – сметка 240000119048129 при УНИ БАНКА, за полагање приемен испит.
При запишувањето, примените кандидати поднесуваат:
- пријавни листови за запишување,
- три фотографии (три 6×9),
- потврда за уплатени 700 денари за студентски билтен и за библиотечен фонд, на жиро – сметката 240000119048129 при УНИ БАНКА,
- уплатени средства за прв семестар (во зависност од статусот на студирање), назив на примачот: Православен богословски факултет, на жиро – сметка 240000119048129 при УНИ БАНКА.
Напомена: Бидејќи пријавувањето се врши со оригинални документи, пожелно е кандидатите претходно да направат преписи од документите за свои потреби.
Декан
Проф. д-р Дејан Борисов