На 20 декември 2023 година во свечената сала „Архиепископ Доситеј“ на Православниот богословски факултет „Св. Климент Охридски“ во Скопје пред студентите и професорите одржа предавање митрополитот Преспанско-пелагониски и администратор Австралиски и Новозеландски г. Петар. Тој зборуваше за современите проблеми со кои се соочува Македонската православна црква, како и за црковниот живот на македонските верници во дијаспората. Студентите имаа можност да му постават прашања на митрополитот и да дискутираат за горенаведените теми.
Ова е прво од низата предавања кои се планирани да се одржат на Православниот богословски факултет „Св. Климент Охридски“ во Скопје од страна на митрополитите на Македонската православна црква.
