Денес, на денот кога го прославуваме Соборот на светите 12 апостоли, во Катедралниот храм на Охридските Архиепископи „Света Софија“ во Охрид, со полна радост молитвено присуствувавме на ракополагањето и востоличувањето на нашиот професор, новоизбраниот Митрополит Дебарско-кичевски г. Георгиј од страна на Неговото Блаженство, Архиепископот Охридски и Македонски г.г. Стефан.
Ја изразуваме нашата искрена поддршка и со љубов го придружуваме во новата служба што му е доверена. Нека Господ, Кој ги поставува епископите преку Светиот Дух (сп. Дела 20,28), го укрепи и води, за да биде и понатаму „светило што свети на темно место“ (2 Птр 1,19), и на амвонот, и на катедрата, и во срцата на верните.
На многаја и благаја лета наш возљубен Високопреосвештени владико Георгиј!
